ഉള്ളില്‍ നിന്ന് കുളിരും
പുറമേ നിന്ന് ചൂടും
പകര്‍ത്തുന്ന
അനശ്വരാനുഭൂതിയെ
പനിയെന്നു വിളിച്ചവരാരോ
അവര്‍ക്ക് വന്ദനം .
കണ്ണുകള്‍ക്ക്‌ വരള്‍ച്ചയും
അസ്ഥികള്‍ക്ക് തളര്‍ച്ചയും
പേശികള്‍ക്ക് വിളര്‍ച്ചയും
കീടങ്ങള്‍ക്ക് വളര്‍ച്ചയും
വിഭാവനം ചെയ്യുന്ന
അത്യാപല്കര വികാരത്തെ
എന്നിലേക്ക്‌
പടര്‍ത്തിയവരാരോ
അവര്‍ക്ക് വന്ദനം.
ഉപ്പൂറ്റി മുതല്‍ ഉച്ചി വരെ
തളര്‍ത്തുന്ന
രോമകൂപങ്ങളില്‍
താപം നിറക്കുന്ന
ചിന്താ ശേഷിയെ
മന്ധീപവിപ്പിക്കുന്ന
അനുസ്യൂത പ്രവാഹമേ
നിനക്ക് വന്ദനം .
ഒന്നുകില്‍ എന്നെയും കൊണ്ട്
പോകുക .,അല്ലെങ്കിലെന്റെ
പ്രതിരോധ ശേഷിക്കു മുന്നില്‍
തല കുനിക്കുക ...
