ആര്‍ദ്ര മായൊരു പ്രണയത്തിന്റെ
രസഗുള നുണഞ്ഞു പൊട്ടിക്കാതിരുന്നിട്ടും
വിരഹത്തിന്റെ കരിന്തേള്‍ ദംശനമേറ്റ്
നൂറായ് പൊടിഞ്ഞൊരു
കടുംചുവപ്പ് നിറമുള്ള ഹൃദയം വില്‍കാനുണ്ട് .
ആവശ്യ മുള്ളവര്‍
നാലു ലിറ്റര്‍ കണ്ണുനീരില്‍
മഞ്ഞ മണമുള്ള മൈലാഞ്ചിയിലകള്‍
സമം ചേര്‍ത്തരച്ചു
കട്ടിയുള്ള കുഴമ്പാക്കി കൊണ്ട് തരിക;
നിങ്ങളെടുക്കുന്ന ഹൃദയം
ഇടനെഞ്ചിലുണ്ടാക്കുന്ന ഓട്ടയടക്കാന്‍.!
നിങ്ങളത് സ്വന്തമാക്കിയാലും
അതില്‍ കാണുന്ന മങ്ങിയ ചുവര്‍ ചിത്രങ്ങള്‍
മായ്കാന്‍ ശ്രമിക്കരുത് ;
അവ മാഞ്ഞാല്‍ അതിന്റെ സ്പന്ദനം നിലക്കും
എന്റെ ജീവനും .!
