അന്ന്
നീയൊരനുഗ്രഹമായിരുന്നു.
വിശപ്പിന്റെ
ആന്തരിക ജ്വലനവും
ബാഹ്യമായ
ഭാവ മാറ്റങ്ങളും
ഒടുവില്‍ അന്നനാളത്തില്‍
കുളിരു പടര്‍ത്തുന്ന
ദാഹജല സഞ്ചാരത്തിന്റെ
നിര്‍വൃതിയും ആദ്യമായ്
അനുഭവഭേദ്യമാക്കിയതിനു
നിനക്ക് നന്ദി .
ഇന്ന്
നീയൊരാഘോഷമാണ് .
അന്നം ലഭിക്കാത്ത
മനുഷ്യ ജന്മങ്ങളെ
അന്നം നിലക്കാത്ത
സാമ ദ്രോഹികള്‍
അടിമകളാക്കുന്ന ,
ആശ്രമങ്ങളില്‍
ആത്മീയ മന്ത്രങ്ങള്‍ക്ക് പകരം
ആഭാസ തന്ത്രങ്ങളുണരുന്ന
കമ്പോള യുഗത്തില്‍
നീയുമൊരുല്പന്നമായി .
നഗരമോഹന രാത്രികള്‍
നിന്റെ പേരില്‍
ആര്‍ഭാട വല്കരിക്കുന്ന
പുതുയുവതയ്ക്ക് ആത്മ ശുദ്ധിയല്ല
ഭോഗാനുഭൂതിയാണ് പഥ്യമത്രേ
പ്രിയപ്പെട്ട റമദാന്‍..
പുണ്ണ്യങ്ങള്‍ പൂക്കുന്ന
നിന്റെ ദിനരാത്രങ്ങളെ
തിരിച്ചെടുക്കുക .,
കാല ചക്രങ്ങള്‍ തിരുത്തി എഴുതിയ
അനുഷ്ടാനങ്ങളില്‍ നീയും മാറുക
No comments:
Post a Comment