ഹിന്ദിയിലെയും
ബംഗാളിയിലെയും കറുത്ത-
ജന്മങ്ങളുടെ വിയര്‍പ്പു ചേര്‍ത്തു
പണിതതാണിത്
അതാവുമീ;
ഗഗനചുമ്പികള്‍
ഓരം നിറക്കുന്ന പാതകള്‍
ഇത്ര കറുത്തു പോയത് .!
മൈലുകള്‍ക്കകലെ
അരച്ചാണരുവിയുടെ
നാഡീ മിടിപ്പ്‌
നിലക്കാതിരിക്കാന്‍
ഉള്ളില്‍ നിറയുന്ന ഗദ്ഗദങ്ങള്‍
തൊണ്ടയില്‍ കുരുക്കിയിട്ടു
വേര്‍പ്പൊഴുക്കുന്നിവര്‍..
ഉണങ്ങിയ സ്വപ്‌നങ്ങള്‍
വീണ്ടും പുഷ്പിക്കാതിരിക്കാന്‍
വയറുകള്‍ മധുകുംഭാമാക്കിയെ
ഉറങ്ങാറുള്ളൂ !
വീണ്ടും പുലര്‍ന്നാല്‍
ചിരി നിലച്ച ചുണ്ടുകള്‍ കോട്ടി
ആവിനാഗങ്ങളാടുന്ന
മണല്‍ കാട്ടിലിറങ്ങും.,
ഉന്നതര്‍ക്കുല്ലസിക്കാന്‍
പുതിയ വൃത്തങ്ങള്‍ പണിയും .
പണിതു കൊണ്ടേയിരിക്കും.,
വര്‍ണ്ണ ക്കവറുകളിലൊളിച്ച
ഭീകര സത്വങ്ങള്‍
നാഡീവ്യൂഹത്തെ തളര്‍ത്തും വരെ ..
ഇവരും മനുഷ്യ ജന്മങ്ങള്‍ !
No comments:
Post a Comment