ഇന്നലെ സ്വപ്ന സഞ്ചാരി
ഏറ്റെടുത്ത ദൌത്യ നിര്‍വ്വഹണത്തിന്
സ്വര്‍ഗത്തിലെത്തി .നായയോട് പിണങ്ങിയ
പട്ടിയെ കൊല്ലാന്‍
പൂച്ചയുടെ വകയാണ് കൊട്ടേഷന്‍ !
"പട്ടി പിണങ്ങിയിടത്തു
പൂച്ചക്കെന്തു കാര്യം ?"
എന്ന് തിരക്കിയില്ല
ദൌത്യമാണ് പ്രധാനം .,
സ്വര്‍ഗീയ രാവിന്റെ മറവില്‍
താരകപ്രഭയില്‍ മിന്നി നില്‍കുന്ന
പട്ടി ഗ്രാമത്തിലെത്തി.
അന്തിയുറക്കത്തില്‍ നിന്നുണര്‍ത്താന്‍
നായയെ കൊണ്ട് വിളിപ്പിച്ചു..
അരമനയില്‍ നിന്ന്
വെളിയിലിറങ്ങിയ പട്ടിയെ
പിന്നില്‍ നിന്ന് വെട്ടി .,
ഒരു തുണ്ടവും നാല് ഉപ തുണ്ടങ്ങളും!!
കൃത്യ നിര്‍വഹണത്തിന്റെ
സന്തര്‍പ്പണത്തില്‍
തിരിഞ്ഞു നടക്കുമ്പോള്‍
പിന്നില്‍ നിന്നും പട്ടി സ്വരം !
"ഇത് സ്വര്‍ഗമാണുണ്ണീ , ഇവിടെ മരണമില്ല"
വൃഥാമതിയായ്‌ നടന്നകലുന്ന
സഞ്ചാരിയുടെ പിന്നില്‍
പൂര്‍വ്വാധികം ശക്തി നേടിയ
പട്ടികളുടെ ജല്പനങ്ങള്‍
അരങ്ങു തകര്‍ക്കുന്നു..
