നിന്റെ തിളങ്ങുന്ന
കണ്ണുകളില് നിന്ന് ,
തെളിഞ്ഞ ചിരിയില് നിന്ന് ,
കവിള് തടത്തിലെ
നുണ ക്കുഴികളില് നിന്ന്
എന്റെ തെല്ലടര്ന്ന കറ പുരണ്ട-
ഹൃദയത്തിലേക്കൊരു
നേര്രേഖ വിരിയുന്നു .
ദ്വയാര്ത്ഥ പദങ്ങളില്ലാത്ത
നിഗൂഡമായ പരികല്പനകളില്ലാത്ത
എന്റെ വരികള്
നിനക്ക് വേണ്ടി മാത്രം.
എന്നിട്ടും അടഞ്ഞു കിടക്കുന്ന
നിന്റെ ഹൃദയ ജാലകം.,
ഇനിയേത് തമ്പുരുവില്
ഏത് ശ്രുതിയില്
എന്ത് പാടി ഞാന് തുറക്കെണ്ടൂ ?
