വികസനം

മൈലാഞ്ചിക്കുന്ന്,
ചങ്ങനക്കുന്ന്,
പൂവ്വത്തിക്കുന്ന്
എന്നിങ്ങിനെ എഴുന്ന് നിൽക്കുന്ന
നിരവധി
മൂർത്തികളുണ്ടായിരുന്നു നാട്ടിൽ

ഒന്നുദിച്ചസ്ഥമിച്ചുവന്നപ്പോഴേക്കും
അവരെല്ലാം
ലോറിയിൽ കയറിപ്പോയി!

നാടാകെ മഞ്ഞ മൗനം നിറഞ്ഞ
ആ പുലരിക്ക്
"നമ്മുടെ നാടും വികസിക്കുന്നുണ്ട്!"
എന്നൊരു ശീർഷകവും
തുന്നിച്ചേർക്കപ്പെട്ടു

കാലിനടിയിൽ
മുറിഞ്ഞു പോകുന്നൊരൂർദ്ധ്വം
ഞാൻ മാത്രം കേട്ടു;
ഒരു വികസനവിരോധി!